Yn dilyn ailasesiad, mae Advocacy Support Cymru (ASC) yn falch iawn o gyhoeddi ei fod wedi derbyn y ‘Advocacy Quality Performance Mark’ (QPM), gan sicrhau achrediad am dair blynedd arall, o fis Hydref 2026 i fis Hydref 2029.

Mae ASC wedi dal achrediad QPM ers 2016. Mae’r wobr hon – sy’n cael ei chydnabod yng Nghymru, Lloegr a Gogledd Iwerddon – yn cadarnhau ymrwymiad parhaus ASC i ddarparu gwasanaethau eirioli annibynnol o ansawdd uchel, yn unol â safonau’r QPM, y Cod Ymarfer Eirioli a’r Siarter Eirioli (Advocacy Charter).

Mae’r cyflawniad hwn yn adlewyrchu ymroddiad a phroffesiynoldeb staff ASC; mae eu hymrwymiad yn helpu i sicrhau bod lleisiau’r bobl rydym yn eu cefnogi yn cael eu clywed, a bod eu hawliau yn cael eu parchu.

Hoffem hefyd ddiolch i’r bobl sy’n rhoi eu hymddiriedaeth yn ASC ac yn gweithio gyda’n heiriolwyr. Mae eu profiadau, eu dymuniadau a’u teimladau yn parhau i fod wrth wraidd popeth a wnawn.